तिथला चाफा
रस्त्यावरूनी जाता जाता काल दुपारी तुला पाहिले
अर्धे फुलले, सुकले अर्धे काय असावे तुला बाधले ?
शुष्क डहाळ्या आतील बाजू , हिरवे अंगण जिथे नांदते
शुभ्र टपोऱ्या उघडीत पेट्या धूळ धुरातून इथुनी हसते
मुळापासची हलवत माती, मायाभरले हात माखती
जसे वाढले तसे वाढते या इकडे कोणी ना बघती
दोन्हीकडली उंची जितकी वेलांटीचा गोल साजिरा
स्वच्छ देखणे इथले हसणे भग्न प्रतीक्षित तिथे सापळा
खरखर करुनी कुणी कधी का तिथला होता सडा झाडला ?
वा कोणी ना म्हटली गाणी व्यवधानी का इतका रमला ?
जीवन आणिक वायू दोघा बाजूंनाही एक मिळाले
जगणे तिथले केवळ जगणे इकडुन का मग सौख्य नांदले ?
आता ठरले प्रेमभराने त्या भागाशी बोलत जावे
भरल्या घरट्यानेही इथल्या त्या भागाशी गूज करावे
त्यानेही सांगावे सहजी काय हरवले कोणी नेले ?
या बाजूने वा सांगावे कुठे नेमके काय बिनसले ?
आणि एकदा तिन्हीसांजेला रस्त्याने या येणे झाले
फांदीवरूनी फडफड करुनी तिथून वरती काय उडाले ?
विद्ध होउनी हसला चाफा दावीत घरटे तिथले उरले
तिथे बहरले असता होते श्रद्धेकारण खाली पडले
काडी काडी ध्वस्त वेगळी श्वास कोवळे तुटले होते
उरला पक्षी तेव्हापासुन वाळीत अर्धे पडले होते !
रस्त्यावरूनी जाता जाता काल दुपारी तुला पाहिले
अर्धे फुलले, सुकले अर्धे काय असावे तुला बाधले ?
शुष्क डहाळ्या आतील बाजू , हिरवे अंगण जिथे नांदते
शुभ्र टपोऱ्या उघडीत पेट्या धूळ धुरातून इथुनी हसते
मुळापासची हलवत माती, मायाभरले हात माखती
जसे वाढले तसे वाढते या इकडे कोणी ना बघती
दोन्हीकडली उंची जितकी वेलांटीचा गोल साजिरा
स्वच्छ देखणे इथले हसणे भग्न प्रतीक्षित तिथे सापळा
खरखर करुनी कुणी कधी का तिथला होता सडा झाडला ?
वा कोणी ना म्हटली गाणी व्यवधानी का इतका रमला ?
जीवन आणिक वायू दोघा बाजूंनाही एक मिळाले
जगणे तिथले केवळ जगणे इकडुन का मग सौख्य नांदले ?
आता ठरले प्रेमभराने त्या भागाशी बोलत जावे
भरल्या घरट्यानेही इथल्या त्या भागाशी गूज करावे
त्यानेही सांगावे सहजी काय हरवले कोणी नेले ?
या बाजूने वा सांगावे कुठे नेमके काय बिनसले ?
आणि एकदा तिन्हीसांजेला रस्त्याने या येणे झाले
फांदीवरूनी फडफड करुनी तिथून वरती काय उडाले ?
विद्ध होउनी हसला चाफा दावीत घरटे तिथले उरले
तिथे बहरले असता होते श्रद्धेकारण खाली पडले
काडी काडी ध्वस्त वेगळी श्वास कोवळे तुटले होते
उरला पक्षी तेव्हापासुन वाळीत अर्धे पडले होते !
